Estas bolsas e axudas, outorgadas en réxime de concesión directa, están dirixidas ás persoas traballadoras desempregadas que participen en accións formativas do Sistema de Formación Profesional dos graos A, B ou C, ou de especialidades formativas do Catálogo de Especialidades Formativas do Servizo Público de Emprego Estatal, financiadas por esta consellería (código de procedemento TR301V).

Non se inclúe no ámbito de aplicación desta norma a formación impartida nos programas integrados de emprego, nos obradoiros de emprego ou nas accións formativas financiadas con fondos procedentes do Mecanismo para a Recuperación e Resiliencia.