A creación de preofertas é o trámite a seguir para inxectar unha nova oferta dentro do Sistema de Intermediación Laboral.

Para iso un empresario/a, tras asinar un contrato de confidencialidade coa Oficina de Emprego correspondente ao domicilio do/a empresario achega os seus datos como empresa (CIF e código conta cotización) e os datos correspondentes á oferta que quere crear como son o perfil de candidatos/as que se buscan e os requisitos que han de cumprir e que permiten á Oficina de Emprego intermediar na devandita oferta, xestionando a procura de candidatos cos perfís pedidos e comunicar ao empresario/a os dispoñibles para dita oferta a través do envío dos seus cv.

Para levar a cabo a creación da preoferta ben pode desprazarse á Oficina de Emprego correspondente ao domicilio do posto de traballo ou ben pode levala a cabo a través da web corporativa do Servizo Galego de Colocación para o cal debe dispor dun certificado dixital.

Datos a achegar na creación da preoferta 

• CIF
• Código conta cotización
• Descrición do posto de traballo que oferta
• Profesión ou profesións nas que solicita traballo.
• Tipo de xornada
• Domicilio de selección de persoal
• Modo de selección
• Dirección do posto de traballo
• Información de contacto
• Tipo de cContrato

Requisitos para solicitar a creación dunha preoferta

• Asinar un contrato de confidencialidade coa Oficina de Emprego.
• Ter datos de empresa actualizados.